الإهمال أحد أسباب عناد الطفل .. اعرفي التفاصيل من المقال.
الطفل بيعند مع الأم لأسباب كتيرة منها إنه عايز يلفت نظرها إليه
ولو الطفل حس إنه عايز يلفت نظر الأم هو في الحقيقة بيكون حاسس بالإهمال لأسباب ترجع كلها للأم منها انشغال الأم بطفل جديد أو أن أمور استجدت على الأسرة زي إن الأم تكوني بدأت شغل جديد
الطفل هنا يبدأ يحس إن الأم بقت بعيده عنه فيفكر إزاي يلفت انتباها إليه مرة تانية.
امتى تظهر المشكلة؟
المشكلة بتحصل لإن الطفل لما بيحس بالإهمال مش بيستسلم أبداً للوضع دا ولا بيسكت
غالباً بيعمل رد فعل ورد الفعل دا بيكون بدون وعي منه مش بقصد زي ما الأم بتكون متخيلة
ففجأه الطفل يبدأ يرفض كل توجيهات الأم وطلباتها
وكأنه بيعترض على إهمالها له
الطفل هنا مش بيكون هدفه يضايق الأم أبداً
هو بس عايز يقول لها إنه موجود
عايز يحسسها إنه إنسان وله رغبات واحتياجات
عايز يقول إنه مش آلة تنفذ كل اللي بيطلب منها.
امتى بتزيد المشكلة؟
المشكلة بتزيد لما الأم بتتعامل مع سلوك العند وتنسى الدافع اللي ورا العندفنلاقيها بدأت تعاقب الطفل وتصر إنه يتخلى عن عناده ويوافق على كل طلباتها بإسلوب عنيف، ونتيجة تصرف الأم وعنادها مع الطفل يزود الطفل من عناده ويبدأ حلقة من العناد بين الأم والطفل لا تنتهي.
التصرف الصحيح لكي يتنازل طفلك عن سلوك العناد
أولاً /
اوفعي من درجة اهتمامك بطفلك.ثانيا/
خصصي جزء من وقتك للجلوس مع طفلك بعيد عن الأوامر والنواهياستمعي لكلامه وحكاياته بكل تركيز، اتكلمي معاه، العبي معاه، احكي له قصة، قوليله كلام حلو، امدحيه
المهم إن طفلك يحس إنك معاه بكل حواسك
لما طفلكِ هيحس بالاهتمام مش هيحتاج إنه يعند معاكي عشان يحسسك بوجوده.